Buleun dilanget manyang limong blah,
Cot meujeureulah cahya leumah hu,
Beuna ta ingat keu mak ngon ayah,
Nyang ka takeubah sideeh lam kubu..
Tiep malam sabee aruwah geuwoe,
Geudong hana toe jeu-oeh lhee deupa,
Geudong bak pinto geumubri saleum,
Aneuk geuh bandum geukalon rupa..
Geukalon aneuk hudeep seunang that,
Rumoh meutingkat moto toyota,
Teungeut lam ace kasoe seupring bed,
Geumoe raya that aruwah poma...
Ingat nasib droe geu eeh lam jeurat,
Bantai tanoh cak lieng jeut keutika,
Teungoh geu moe2 geumarit yoeh nyan,
Hai aneuk badan ingat keu poma..
Wahee aneuk loen pakon tuwo that,
Keu loen lam jeurat loen eeh lam kubu,
Hantom takirem meubacut ubat,
Hantom ta intat meusikrak doa..
(Hamid Namploh)
0 komentar:
Posting Komentar